"O Lugo somos nós", o berro da Federación de Peñas ante a xestión deportiva e social do CD Lugo

lugo

A Federación de peñas do CD Lugo érguese contra a xestión deportiva e social da directiva da SAD. Nun duro e contundente comunicado onde os siareiros subliñan " os graves problemas da entidade lucense".

Por unha banda dubidan da viabilidade económica da entidade, fixándose nas contas aprobadas en xunta xeral de accionistas expoñene que :" presenta uns resultados de explotación negativos durante os dous últimos exercicios de máis de 5 millóns de euros antes de impostos. Con semellantes cifras: cal é a viabilidade e que perspectivas de futuro ten a sociedade?"

Afean a facilidade coa que se prescindíu de empregados de toda clase. "Durante os últimos 8 anos desfilaron polo club 14 entrenadores, 8 directores deportivos, ademáis dunha multitude de empregados noutras áreas do club, que fixeron do CD Lugo unha entidade carente da máis minima estabilidade e que redundou nunha ausencia flagrante de proxecto deportivo."

Co cese de Fran Justo, anunciado case 30 horas despois de facelo internamente, falan dunha situación "de traca" e "esperpéntica". " Cun peche de mercado invernal no que no mesmo día o equipo quedou sen entrenador, sen director deportivo e sen o seu máximo goleador dando unha imaxe lamentable, vergoñenta e impropia", denuncian.

Recriminan á directiva a ineficacia á hora de "engadir activos" á entidades. "Nin a cidade deportiva para as súas categorías inferiores, nin a reforma integral do vetusto estadio Anxo Carro, nin un campo de entrenamento en propiedade para o primeiro equipo. Lonxe diso, 11 anos despois, o único que queda é unha débeda monstruosa", publican.

Únete al canal de WhatsApp de la SER

Sinten que o club viviu "completamente de costas aos seus siareiros xerando unha fenda insalvable coa súa xente, unha redución notable de asistencia e unha desafección polas cores albivermellas, ademáis dunha inexistente comunicación coas súas peñas durante os últimos 3 anos a pesar de térselle tendido a man en reiteradas ocasións".

Seguindo esta liña, desde e Federación de Peñas albivermella esixen a Tino Saqués "venda do seu paquete accionarial maioritario vista a nefasta xestión da que é único e máximo responsable" ademais de pedirlle aos siareiros "en mostra de disconformidade apracen a súa entrada ao estadio ata o minuto 12 de xogo no partido a disputar o vindeiro domingo contra a UD Ibiza. Unha vez dentro, corear Tino vaite xa e O Lugo somos nós"

A agrupación toma como medida a cancelación da previa do vindeiro domingo "que servía como punto de encontro dos afeccionados albivermellos" e anuncian a convocatoria dun encontro aberto a todos os afeccionados do CD Lugo o vindeiro mércores 8 de febrero " co obxecto de valorar novas medidas de protesta a desenvolver durante as próximas datas".