A Avenida Xoan Carlos I, a ubicación máis probable para as atraccións da Alameda

Santiago de Compostela

Segue o debate sobre a ubicación das atraccións durante as festas en Santiago, as últimas, as da Ascensión. Os danos que causan na Alameda levan ao goberno lugar a pensar en alternativas, e a Avenida Xoan Carlos I, que pasa polo lateral da Alameda, é a ubicación máis probable, tal e como confirmou a alcaldesa da cidade, Goretti Sanmartín, na Cadena SER.

Na súa entrevista quincenal no Hoy por Hoy Santiago, a rexedora sinalou que é a idea coa que traballan no concello, e que dependerá do que digan os técnicos. En todo caso, a decisión non será inmediata, non chegará para as festas do Apóstolo, e tampouco vai afectar a tódalas atraccións.