Matinal Galego Hoy por Hoy Lugo, 8.20

Un home de 63 anos, veciño de Abadín, falecía onte pola tarde nun accidente de tráfico na estrada provincial de Fontevella a Carrizal, no concello de A Pastoriza. Onte se producía un novo falecido na provincia de Lugo pola Covid, trátase dun home de 95 anos que finaba no hospital de Monforte. Baixan ós casos activos na provincia de Lugo, son 6.871 os contaxiados oito deles na UCI. O xulgado de instrucción número dous de Lugo decretou a posta en liberdade con obligación de comparecencias semanais diante do xulgado do individuo detido por un apuñalamento na rúa Catedral o fin de semana. O tenente de alcaldesa do concello de Lugo, Rubén Arroxo, recibe ameazas de morte a través dunha pintada na cidade. A plataforma Stop Antisuicidos alerta de que a situación é peor ca nunca. No 2020 foron case que 4 mil ás persoas que se quitaron a vida. A dirección xeral de tráfico presentou onte o novo sistema de balizas intelixentes de climatoloxía adversa, que se instalou na autoestrada A-8 o seu paso polo concello de Mondoñedo. A maior tirolina de Galicia instalarase a semana que ven no concello de A Pontenova, cunha lonxitude de 300 metros. A deputación de Lugo saca adiante una proposta para evitar o desafiuzamento pola SAREB ou banco malo de 16 vivendas en Burela, na rúa Cantábrico.