Hoy por Hoy Lugo Infromativo Matinal 8:20h (19/08/2020)

O concello de Monforte de Lemos informou da existencia dun brote con oito casos positivos por Covid-19 nun edificio da cidade. Nun comunicado remitido aos medios, o Consistorio explica que desde a área Sanitaria de Lugo trasladóuselles aos responsables municipais a existencia de oito casos positivos no número 41 da rúa Duquesa de Alba. O edificio permanece confinado. Os brotes detectados en Pedrafita do Cebreiro, Cospeito e Castro de Rei, na provincia de Lugo, mantéñense sen cambios. O brote de Pedrafita ten seis casos activos. O de Castro de Rei, iniciado polo positivo dun xornaleiro, tamén continúa estabilizado con seis contaxiados. Mentres o de Cospeito ten 10 persoas como positivas e varias familias illadas por ser contacto directo cos infectados. Ademais, o Hula rexistra o primeiro parto dunha muller con coronavirus. Nai e neno que pasaron o ingreso nun bloque específico, atópanse en perfecto estado e poderían recibir o alta hospitalaria na xornada de hoxe. En canto ao balance de casos activos, a área sanitaria de Lugo rexistra tres novos casos para un total de 113. Cinco persoas están ingresadas no Hospital Universitario Lucus Augusti, unha delas na UCI. Ata o día de hoxe na nosa provincia detectáronse 1.402 casos positivos por Covid-19 con 1.260 persoas recuperadas e 29 falecidas. Un cidadán avisou á Policía Local de Lugo porque o persoal de recepción dun centro sanitario lucense non facía uso da mascarilla, nin cando interactúa cos cidadáns. A Policía Local tras comprobar a veracidade dos feitos sinalou que dará conta á Consellería de Sanidade para a tramitación do correspondente expediente sancionador. Desarticulados dous matadoiros ilegais de cordeiros en fincas de Esperante e Nadela. A Garda Civil inspeccionou as explotacións, no marco da operación Matachines, e comprobou que se sacrificaban as reses sen supervisión veterinaria e sen cumprir a normativa de sanidade animal. A investigación aínda continúa aberta. Axentes da Policía Nacio