Hoy por Hoy Lugo Infromativo Matinal 8:20h (18/08/2020)

Os brotes detectados en Pedrafita do Cebreiro, Cospeito e Castro de Rei, na provincia de Lugo, mantéñense sen cambios, con seis positivos no primeiro e terceiro caso e dez no segundo. Así o confirmaron fontes da Consellería de Sanidade, que puntualizaron que no caso de Pedrafita mantense con seis casos tras 40 PCR realizadas. O alcalde de Pedrafita, José Luis Raposo, reclamaba onte un protocolo de acción porque agora mesmo segundo di, o único que impera é o sentido común á hora de actuar. A área de Lugo mantén os mesmos casos activos de Covid-19 que no último balance, 110. Deles, catro permanecen hospitalizados no Hula, o resto atópanse illados nos seus domicilios. Ata o momento contabilizáronse na área sanitaria lucense 29 falecementos, 1.258 altas e un total de casos de 1.396. Unha muller resultou ferida grave despois de que o turismo que conducía saísese da vía no km 583 da A-8 en dirección Asturias, á altura do concello de Vilalba. O accidente ocorreu a última hora da mañá de onte. A condutora tivo que ser excarcerada polos Bombeiros de Vilalba e foi trasladada en ambulancia ata o Hospital Universitario Lucus Augusti. A Garda Civil detivo a un veciño de Antas de Ulla que foi sorprendido nas proximidades de Pontevedra cando viaxaba cun arma de fogo ilegal no interior do vehículo. A Policía Local de Lugo interceptou a un condutor que durmía no seu vehículo co motor aceso mentres obstaculizaba un carril de circulación. Ademais, obtivo resultado positivo na proba de alcoholemia ao duplicar a taxa máxima permitida. O Concello de Sarria, por medio do edil de servizos sociais e médico, Benjamín Escontrela, emitiu un comunicado no que pide que non se volvan a repetir escenas como a ocorrida na noite do sábado ao domingo, cando se congregou unha multitude de xente na zona dos viños, moita dela coas máscarillas mal colocadas e sen respectar a distancia de seguridade. Os traballadores de Alcoa San Cibrao van seguir apertando con mobilizacións ata c