Hoy por Hoy Lugo Informativo Matinal 8:20h (08/07/2020)

O brote de coronavirus na mariña de Lugo aumenta moderadamente aos 121 casos activos, ao detectarse, tres casos máis que na xornada de onte. Cinco persoas, unha máis que na pasada xornada, están ingresadas no hospital de Burela. Ademais, hai tamén un ingresado no Hospital Universitario Lucus Augusti, na capital lucense. Máis de 680 persoas están en corentena na mariña. A nivel provincial os casos activos aumentan ata os 151, contando cos positivos da mariña, o que sumaría cinco máis no resto da provincia. A Xunta de Galicia plantéase, a partires do venres, e segundo vaia avanzando nestes días o brote da mariña, un peche selectivo nos concellos máis afectados polo rebrote, ou o que é o mesmo nos concellos de Foz, Burela e Xove. Ademais a xunta electoral non ve afectadas as condicións para votar na mariña, mentres varios alcaldes continúan pedindo o aprazamento electoral. O Ministerio de Industria insta á multinacional Alcoa a buscar unha solución alternativa ao ERE, tras unha reunión telemática co comité de empresa da factoría. E a Ministra de Industria, Reyes Maroto, espera ter un investidor para Alcoa se a empresa non se compromete a salvar o emprego en San Cibrao. Antonio Gato renuncia á alcaldía de Monterroso e o seu posto queda en mans do concelleiro de compromiso por Galicia Xabier Vázquez.