A Mesa mobilízase en defensa da toponimia galega tras a polémica dos carteis de "La Coruña" e "Sangenjo"

A Coruña

Membros da Mesa pola Normalización Lingüística concentráronse esta mañá no Obelisco en defensa da toponimia en galego, a mesma que establece que os únicos nomes oficiais dos topónimos son en galego. É unha mobilización xurdida tras a polémica pola colocación de carteis cos nomes "La Coruña" e "Sangenjo".

A Mesa sinala que en 48 horas recolleu unhas 8.000 firmas #ante o que o presidente da entidade, Marcos Maceiras, define como unha clara campaña de odio da ultradereita para tentar "borrar a toponimia galega.

Maceiras acusa o Foro da Toxa, apoiado polo Goberno Central e a Xunta, de "deturpar" a nivel internacional a toponimia oficial en lingua galega.

O portavoz do BNG no Concello da Coruña, Francisco Jorquera, o que fose portavoz dos nacionalistas no Congreso, Francisco Rodríguez, e a escritora e profesora da Universidade da Coruña, Pilar García Negro, asistiron a esta mobilización reivindicativa.