Óscar Sabucedo: "Levo un bo recordo de todos os futbolistas e moita aprendizaxe"
O adestrador fai balance das dúas tempadas e media cos albinegros despois de que a directiva lle comunicara o pasado sábado o seu cese
Entrevista con Óscar Sabucedo en Hoy por Hoy A Limia
02:19
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1717514945893/" width="100%" height="360" frameborder="0" allowfullscreen></iframe>
Xinzo de Limia
Óscar Sabucedo chegou fai dúas tempadas e media como adestrador do Antela F.C. Naquela altura o equipo logrou o ascenso a Preferente Galicia Grupo Sur, logo tocou acadar a permanencia e, nestes intres, os albinegros están pendentes dos arrastres, a única opción para evitar o descenso.
O Antela manterá a mesma directiva, pois non houbo proposta alternativa, mais cambiará de adestrador. O sábado pola tarde o presidente Pablo Losada mantivo unha reunión con Sabucedo para comunicarlle a nova. Na páxina do Antela Fútbol Clube, expresaron o seu agradecemento con Sabucedo e Lameiras engadindo que se vai "despois de facer un papel excepcional cun título de liga e dúas tempadas na Preferente moi notorias. Agardamos que os nosos camiños volvan coincidir. Sen dúbida un adestrador con maiúsculas".
O ata agora adestrador do Antela pasou polos micrófonos de Hoy por Hoy A Limia para facer balance: “Foi positivo, agardamos acadar o último obxectivo, que é o da permanencia a ver se logra ascender un equipo de terceira a segunda RFEF e conseguilo”. Sabucedo fai repaso das dúas tempadas e media no Antela onde afirma que a nivel humano foi unha experiencia moi enriquecedora.
