Araceli Gestido: "Os cangueses estamos moi orgullosos dos nosos olímpicos"

Vigo

255/10000

Cangas puido sacar peito coas súas catro medallas olímpicas nos Xogos de Tokio 2021. Rodrigo Corrales en balonmán, os piragüistas Teresa Portela e Rodrigo Germade e o porteiro celeste Iván Villar tocaron metal e puxeron ao Morrazo no mapa olímpico. Iso foi en Tokio 2021 porque a pandemia atrasou os Xogos un ano. Agora xa estamos ás portas de París 2024 e Cangas volve sorrir. E é que os padeeiros Teresa Portela e Rodrigo Germade confirmaban o seu billete olímpico este mércores en Verducido. Xa o confirmaba hai unhas semanas Rodrigo Corrales coa Selección Española de Balonmán. Tamén Araceli Menduíña ten praza confirmada para os Xogos Paralímpicos en piragüismo. Catro representantes confirmados e haberá que esperar por se pode haber algún máis. Tres deles tocaron metal en Tokio e aspiran a poder repetir en París. A alcaldesa de Cangas, Araceli Gestido mostrouse exultante cos seus deportistas e apuntou a que é un orgullo para os seus veciños. Agora soña con repetir a fazaña de Tokio en París 2024.