Cruz Vermella estuda as necesidades laborais na Limia para fomentar a inserción laboral
A entidade convocou para o xoves unha mesa sectorial de emprego
El código iframe se ha copiado en el portapapeles
Cruz Vermella estuda o contexto limego para tecer alianzas no sector do emprego
Xinzo de Limia
Cruz Vermella organiza unha mesa co sector agroalimentario en Xinzo de Limia este xoves. Trátase dunha acción entre técnicos de Cruz Vermella, asociacións e empresas de toda a comarca na que falarán da situación social e laboral da localidade “e despois dende o Plan de Emprego formulamos as alianzas que podemos tecer”, explica a técnica do plan de emprego de Cruz Vermella Sandra Iglesias.
É a primeira vez que a entidade desenvolve unha mesa sectorial na Limia nun contexto no que os obstáculos para atopar traballo pasan pola idade, formación ou conciliación. Neste sentido, dende Cruz Vermella animan ás persoas con necesidade de emprego que se acheguen ao multicentro, na rúa Río Arnoia de Xinzo de Limia onde teñen unha das súas sedes.
Malia as dificultades, Sandra Iglesias insiste en que hai ferramentas que poden axudar a atopar emprego como ter unha boa orientación ou traballar a autoestima.
