“O capitalismo foi quen de facernos pensar que non hai outra forma de vivir”

Ourense

“O capitalismo foi capaz de facernos pensar que non hai outra forma de vivir”, así explica Borxa Colmenero un dos aspectos que están presentes no seu libo `O governo neoliberal da vida. Uma leitura (pós) foucaltiana´.

Doutor en dereito e en teoría política, Borxa Colmenero presentará o libro o sábado 6 de abril, ás seis da tarde, no Museo da Limia. Ademais, estará acompañado por Xosé Manuel Pérez Bouza e o editor Roberto Abuín.

Colmenero pasou polos micrófonos de Radio Limia Cadena SER para falar deste libro da editorial Axóuxere e a incidencia do neoliberalismo na nosas vidas que, segundo o autor “determínanos por completo porque, dende o punto de vista dos estudos foucaltianos, non é só un modelo económico ou unha ideoloxía é que a túa dinámica dende pequeno, na maneira en como te relacionas co mundo está mediada polo capital”.

Tamén, asegura o investigador vilansantés, que o neoliberalismo ten, ademais, un desenvolvemento tecnolóxico arredor das formas de vida. A solidariedade e as experiencias comunitarias permiten fuxir desas dinámicas.