Ribadavia sede da preparación dos Hispanos Júnior de Balonmán

Ourense

Ribadavia será a sede da preparación dos Hispanos Júnior de Balonmán cun encontro fronte a Estados Unidos. O encontro fronte ao combinado absoluto de U.S.A servirá para celebrar o acto inaugural da nova pista que o Concello de Ribadavia instalou no pavillón do Consello. Ribadavia acollerá do 11 ao 17 de marzo a preparación do combinado macional de balonmán, unha xeración que ven de proclamarse Campioa do Mundo e de Europa na categoría xubenil. O Concello de Ribadavia, a través do Consello Municipal de Deportes, organizou dous adestramentos de portas abertas nas mañás do martes e do xoves, para que todos os escolares da zona poidan desfrutar da estancia dos Hispanos na vila; o mércores ás 12:30 horas, O Concello de Ribadavia realizará unha recepción oficial á expedición na casa consistorial.