8M
A programación do 8M do concello de Tui arranca este sábado 2 de marzo co obradoiro “Tecendo feminismo”
Terá lugar este sábado a partir das 10.30 h na edificio da praza da Inmaculada
Tecendo Feminismo, obradoiro en Tui
Tui abre a programación conmemorativa do 8M, Día Internacional da Muller, este sábado, 2 de marzo, a partir das 10.30 h no edificio da praza da Inmaculada co obradoiro “Tecendo feminismo”.
Nesta actividade elaborarase un lazo morado, símbolo da loita feminista, en crochet da man de MYR Lanas e coa colaboración de Katia Lanas. Non é preciso inscrición previa e poderán participar todas as persoas que o desexen até completar o aforo.
O Concello de Tui dará a coñecer nos próximos días a programación completa do 8M.
