"Hai que desandar as políticas do PP en sanidade, cambiar o modelo enerxético e mellorar o transporte colectivo"

O candidato nacionalista considera que o Partido Popular perdeu a credibilidade nestes anos na Xunta. Unha das primeiras acción que poñerán en marcha se chegan a gobernar é a de desandar as políticas populares en sanidade. En materia de infraestruturas indica que eliminarán a peaxe da AG55 e rematarán a autovía da Costa da Morte.

Pérez abordou outros asuntos como os enerxéticos, apostando por un cambio de modelo que priorice ás persoas por diante das multinacionais e con respecto ao mar e o agro, prometeu facer unha defensa dos intereses dos galegos fronte a outros partidos que priorizan as siglas a nivel nacional.

Outro dos temas dos que falou Daniel Pérez foi o turismo, onde asegurou que é necesario acabar co "Xacobeocentrismo" apostando por un turismo de calidade e tamén abordar a regulación das VT para evitar que siga subindo o prezo da vivenda para a poboación local.

Con respecto ao transporte colectivo, Pérez sinalou que é precisa unha mellora para evitar problemas como os que se están sufrindo na zona , con usuarios que quedan en terra ou estudantes con problemas para chegar a clase, entre outros, indicou que unha boa solución sería traer o tren á zona.