Adriana Jiménez: "Para nós é importante que se respecte a máscara"

Xinzo de Limia

O Museo Galego do Entroido testemuñou a presentación do programa da festa máis representativa de Xinzo, que comezará o sábado ás doce horas da noite co Petardazo. A segunda cita terá lugar coa farelada o domingo. Será o comezo dun Entroido que rematará o 18 de febreiro, último día de festa que coincide coas eleccións autonómicas. A este respecto Adriana Jiménez, da comisión do Entroido, explica que “parece unha entroidada. Iremos votar, disfrazados. O malo vai ser para quen lle toque estar na mesa, pero teremos que cumprir coa nosa obriga”.

Esta mesma semana coñeciamos o programa para o Entroido 2024 que ademais do Petarzado (20 de xaneiro), o domingo Fareleiro (21 de xaneiro), pasará polo colgamento do meco (27 de xaneiro), e o domingo Oleiro (28 de xaneiro). Aínda que, sen dúbida, unha das datas máis sinaladas é a do 4 de febreiro. Domingo de Corredoior, cando as Pantallas saen por vez primeira á rúa.

O Entroido é sinónimo tamén de música e de desfiles. O calendario continúa o 9, 10, 11 e 12 de febreiro co venres, sábado, domingo e luns de entroido. O Gran Desfile será o martes de entroido, día 13, con 3000 euros en premios. O 14, será o enterro da sardiña e, entre as novidades, estará sucedido polo sábado e Piñata. O peche será o 18 de febererio co domingo de Piñata.