As xeracións do Monsterrat, as memorias da emigración galega a partir da emoción que transmiten os seus obxectos
Xesús Fraga é o comisario desta mostra que se pode ver no kiosko Alfonso da Coruña
A Coruña
Memoria individual, para obter unha visión colectiva. Historias de vidas, de viaxes, de cambios, contadas a través de obxectos. Xesús Fraga, autor de ‘Virtudes e misterios’ é o comisario da exposición “As xeracions do Monsterrat” uno dos barcos da emigración que, durante décadas, fixo escala en Inglaterra, Venezuela, Xamaica e España, e que recalaba no Porto da Coruña, fronte o recinto que acolle esta mostra, O kisco Alfonso.
O xornalista e escritor estivo en Así éramos, a sección de historia, memoria e recordos do Neste momento A Coruña debullando algunha desas pezas de valor incalculable para as persoas que un día tiveron que partir para dar paso a moitas primeiras veces.
O Montserrat, o Begoña e o Covadonga levaban á migración galega ao Reino Unido nos anos 60. O Kiosco Alfonso é parte importante da exposición, porque é unha das primeiras ou das últimas cousas que vían os viaxeiros dende o barco.
A estas historias chégase a través de obxectos cotiáns co obxectivo de pararse a reflexionar e non perder unha parte tan importante de Galicia, a diáspora.
A exposición xunta fotos, documentos, recibos e obxectos que simbolizaban a viaxe persoal de cada viaxeiro.
A exposición, organizada polo Consello da Cultura Galega e cuxo deseño corre a cargo de Pepe Barro, é gratuíta e poderase ver ata o próximo 14 de xaneiro
