Xosé Manuel Soutullo, nomeado novo director da Editorial Galaxia

O consello de administración da Editorial Galaxia acordou o nomeamento de Xosé Manuel Soutullo como director xeneral da Editorial, após a dimisión de Francisco Castro o pasado mes de setembro.

Segundo informou este pasado venres a editorial, o consello de administración acordou este nomeamento. Soutullo é actualmente director da Fundación Penzol e conselleiro da Editorial Galaxia, na que desenvolveu unha dilatada vida profesional no ámbito da edición e da produción cultural.

Dimisión de Castro

A dimisión de Francisco Castro produciuse despois da polémica por mor de que o escritor Alberto Ramos, nunha entrevista concedida a Praza Pública pola publicación do seu libro 'Os corpos dous Romanov' (editado por Galaxia), denunciase o seu proceso de edición e opinase sobre algúns aspectos da xestión da empresa cultural.