Carlos Montero : “Verín comeza a sentir o Festival de Curtas como seu”
Dende a dirección do FIC confirman a boa evolución desta cita co cine que rematará o 17 de setembro
O Auditorio de Verín acolle o Festival de Curtas
Verín
A programación do Festival de Curtas de Verín continúa coa súa programación até o 17 de setembro. Un festival que se consolida malia a dificultade dos primeiros anos mais que “Verín comeza a sentir o Festival de Curtas como seu”, segundo confirmou o director do festival Carlos Montero.
O FIC arrancou coa presenza do actor Pepe Viyuela que alén de presentar o seu documental, interpretou a Encerrona e acolle este ano unha sección infantil. Ademais as actividades paralelas continúan a medrar: concurso de pintura, podcast, foco local entre outras.
Toda a programación pode consultarse aquí. O 16 de setembro terá lugar a gala final e o 17 a proxección das pezas gañadoras.
