Borxa Neira: "Nalgún momento haberá que introducir cambios no xeito de entender o territorio"

Ourense

Borxa Neira publicou o libro Mover os marcos co obxectivo de que "abramos a mente e que comprendamos que nalgún momento haberá que introducir cambios no xeito de entender o territorio". O feito de que Borxa viva en Barcelona acentuou a necesidade de escribir este libro.

O libro parte de que "na década de 1990, o Governo galego desenhou um custoso proceso de comarcalizaçom que acabou tendo um resultado de escassa incidência real. Hoje, esas comarcas ficaram relegadas num segundo plano. Polo contrário, concelhos, províncias e outras partiçôes administrativas alheias a nós até há dous séculos continuam em plena vigência, gerando umha planta administrativa sobredimensionada. Cumpre movernos os marcos internos que nos delimitam (...)". A partir desta premisa conversamos en Hoy por Hoy Limia sobre que son as comarcas, a súa historia e o seu futuro.

En relación á comarca da Limia o autor afirma que "A Limia en tódalas análises que eu recollo no libro coinceden en determinar que Xinzo é unha cabeceira comarcal que serve para suministrar servizos e bens ás parroquias da súa contorna e, ademais da vertente social e económica, hai unha xeográfica e natural arredor do río Limia. Incluso a nivel histórico, área na que habitaban os límicos, unha tribo prerromana. Tódalas ciencias se dan a man neste caso".