O Teatro Rosalía de Castro obtén a Insignia da Cultura 2021
O recinto coruñés sitúase como o recinto municipal mellor valorado polos expertos consultados en Galicia
Teatro Rosalía de Castro / Concello A Coruña
A Coruña
O Teatro Rosalía de Castro da Coruña obtivo a Insignia da Cultura 2021, un galardón que o recoñece como espazo de referencia para o sector cultural de Galicia. Está outorgado pola Fundación Contemporánea tras unha consulta remitida a un milleiro de expertos.
As Insignias Culturais corresponden á valoración final das propostas culturais máis destacadas en cada comunidade baixo o criterio dos profesionais do sector, recollido no Observatorio da Cultura. O Rosalía recibiu o apoio e a mención de máis do 61% dos expertos, un 20% máis que a Cidade da Cultura, que o ano pasado obtivo o Premio.
