O Círculo de Artesáns da Coruña celebrará un 175 aniversario 'de película

A Coruña

O Círculo de Artesáns da Coruña presentará o próximo 5 de xullo no Teatro Colón ás oito da tarde unha longametraxe sobre a historia da asociación. As oito da tarde será a hora na que se comezará a proxectar a peza creada para celebrar o 175 aniversario da entidade.

A película abordará a historia da cidade e do Círculo de Artesáns de forma paralela xa que segundo asegura Manuel Miragaia, xestor da área de Cultura da asociación, foi unha peza fundamental na historia da cidade.

A entrada será totalmente gratuíta. Desde hoxe calquera interesado pode ir solicitala ao Círculo de Artesáns ou esperar ao propio día da estrea e obtela en despacho de billetes. O historiador Xosé Alfeirán será un dos rostros que poñerán cara ao documental.