O do 36 non podería acontecer hoxe ¿ou sí?

Santiago de Compostela

A idea é situar a persoas actuais nos cargos dalgunhas das vítimas do golpe de Estado de 1936. A idea en que nos poñamos na situación dos represaliados polo franquismo que non eran moi distintos a nós e, por outra banda, alertar do risco do avance do fascismo e mostrar as consecuencias que tería hoxe un golpe como o do 36.

O concepto deste proxecto é obra de Montse Fajardo, técnica da Memoria Histórica da Deputación de Pontevedra, que foi entrevistada no programa A Vivir Galicia – Cadena SER.

Doce participantes posaron para homenaxear a quen ocupaba daquela o mesmo cargo o desempañaban profesións que padeceron a represión franquista, son:

• Miguel Anxo Fernández Lores, alcalde de Pontevedra, representa as persoas que tiveron que esconderse para salvar a vida. En concreto, a Manuel García Filgueira, alcalde de Pontevedra no momento do golpe, que estivo trece anos nun tobo: desde xullo de 1936 ata 1949.
  
• Carmela Silva representa a quen no momento do golpe de Estado era o presidente da Deputación, Maximiliano Pérez Prego. O seu xuízo suspendeuse porque morreu no Hospital, sen que se coñecese a súa doenza.
  
• Luís Bará, parlamentario, representa a Bibiano Fernández Osorio-Tafall, quen tamén foi presidente da Deputación. No momento do golpe era deputado. A súa historia reflicte moi ben o exilio: non volveu ver a súa familia.
  
• Kiko Da Silva. O debuxante pontevedrés representa a Castelao e as penurias económicas que pasou no exilio.
  
• Cano Paz, libreiro, representa a incautación de bens, en concreto, o seu avó Ramiro, a quen fusilaron para logo quitarlle o prelo á súa familia.
  
• Ánxos Rial, profesora do IES Sánchez Cantón, personifica a docente comprometida que é expulsada das aulas, coma Ernestina Otero ou tantas outras. Aparece acompañada do alumnado do seu centro de secundaria con caixas de "mudanza" mentres a miran marchar.
  
• María Ortega (e outras mulleres coma a actriz Aire Quinteiro ou a cantante Uxía Senlle). A deputada representa a vilagarciá Juana Otero, que foi  rapada xunto a todas as mulleres que padeceron vexacións sexistas.
  
• María Ramallo Vázquez (PP), Félix Juncal e Leticia Santos Paz (BNG), e Victoria Portas Mariño (Alternativa Canguesa de Esquerdas), titulares das alcaldías do Morrazo en Marín, Bueu, Moaña e Cangas, respectivamente, representan a Antonio Blanco, Johan Carballeira, José Fandiño Pidre e Agustín Jorge Etcheverri, que foron asasinados. Buscouse que fose un proxecto plural, con representantes de distintos grupos políticos, porque todas as forzas democráticas deben involucrarse na defensa da memoria.
  
• Alba Díaz, fotógrafa do proxecto "E se fose hoxe?", representa o consignatario vilagarcián Dámaso Carrasco, como cara visible de todas e todos os presos da illa de San Simón, que el mesmo fotografou. Se non fose por el, moitos rostros se terían perdido.
  

Poderá visitarse na Praza de España de Pontevedra ate o 22 de xuño e tamén na rede, na páxina “E se fose hoxe?”

Fotografías: Alba Díaz

Únete al canal de WhatsApp de la SER

Escenografía: Amanda Seijas

Como se fixo: Canal Rías Baixas

Contidos: Área de Memoria Histórica

Deseño gráfico: Servizo de Comunicación

Desenvolvemento da campaña: Comunicación Vicepresidencia

Agradecementos:

Miguel Anxo Fernández Lores, Carmela Silva, Félix Juncal, Leticia Santos, María Ramallo, Victoria Portas, Luís Bará, Kiko da Silva, Cano Paz, Anxos Riveiro, alumnado do IES Sánchez Cantón, persoal de Saraiva, persoal da D. O. Rías Baixas, Carlos González (Adif), Aire Quinteiro, Uxía Senlle, Luísa Márquez, Carmen Abeledo, Lois Pérez, Eva Blanco, Carolina Neira e Tensi Gesteira.

* Fonte: Deputación de Pontevedra.