Tarambana espectáculos cocina a súa paella en Ártika
Dúas sesións esta fin de semana
Un momento da representación.
Vigo
Tarambana Teatro representa a súa obra Paella esta fin de semana na Sala Ártika, o sábado 13 o ás 20:00h e o domingo 14 ás 20:00h. Paella é unha comedia de autor onde o que realmente conta é o feito teatral a través da mestura de linguaxes escénicas, cunha aparente ausencia de trama e unha combinación de temas: igualdade de xénero, conflitos persoais, laborais, culturais, existenciais…
Un espectáculo contemporáneo en clave de humor cun pulso trepidante que nos impide baixar do escenario ata que cae o pano.
Amparo e Federico son unha parella en crise, aínda que eles mesmos non o saben, que traballan na mesma empresa. Un día deciden invitar a comer unha paella a algúns compañeiros de traballo entre os que se atopa Bruno, ao que queren presentarlle un proxecto empresarial co que cren que poderán escalar profesionalmente (e económicamente) na empresa. Sen embargo, a paella suporá un momento crucial nas súas vidas: Amparo é ascendida e, tras separarse de Federico, que é incapaz de aceptar a situación, despídeo. Un punto de inflexión que leva a descubrirnos que aos que vemos en escena ademáis de Amparo e Federico son tamén os actores que os interpretan. E que, no teatro, como na vida, os límites entre o real e o imaxinado son tan débiles que un e outro confúndense nunha voráxine tráxicamente burlesca.
