Éxito da "Andaina Popular, Vive o Minho"
A actividade, organizada pola Deputación de Pontevedra coa colaboración de Ser Baixo Miño, acadou os cen participantes
"Vive o Minho" | Salvador García. SER Baixo Miño
A Deputación de Pontevedra organizou o pasado domingo 30, a través da área de Cooperación Transfronteiriza, unha andaina saudable dentro da programación de "Vive o Minho" na súa edición deste 2023.
Esta primeira "Andaina Popular, Vive o Minho" estivo organizada por SER Baixo Miño e a Deputación de Pontevedra, co apoio de INTERREG (Fondo Europeo de Desarrollo Regional), AECT Río Minho e CIM Alto Minho.
Así, ás dez e media da mañá, na praza da Igrexa de San Cristovo de Goián, en Tomiño, concentrábanse as cen persoas inscritas, chegadas de concellos como: O Porriño, Vigo, Valga, O Carballiño, Mos ou Baiona para participar desta iniciativa ao aire libre.
Trasladados ao punto de saida en Lanhelas, Vila Nova de Cerveira, fíxoselles entrega dun obsequio a todos e cada un dos participantes. Dende alí, ás once e cuarto da mañá, comezaba esta andaina que percorría ás praias, illas fluviais, fortalezas, viñedos e campos de cultivo de Vila Nova de Cerveira e Tomiño, que forman parte da Rede Natura 2000.
Ás dúas e media da tarde remataba esta andaina que "foi unha maravillosa experiencia" en palabras das persoas participantes.
Antía Paz
Redactora en Radio Vigo. Ha trabajado en radio, televisión, prensa escrita, agencias de comunicación...
