Nigrán pecha este venres o seu ciclo "Un ano de humor" con Sergio Pazos e Cristina Maró

O Concello de Nigrán pecha este venres 28 de Abril ás 20h00 no Auditorio Municipal o seu ciclo "Un ano de humor" cos monólogos do humorista Sergio Pazos e a actriz e directora Cristina Maró, ambos de balde e con entrada libre ata completar o aforo do auditorio.

Sergio Pazos é actor, humorista e reporteiro nado en Ourense en 1965. Comezou no mundo do teatro nos anos 80 da man das compañías Caritel e CDG. Saltou á fama tras aparecer en distintas series nacionais e galegas no ano 1996, ao converterse nun dos reporteiros do exitoso programa ‘Caiga quen caiga’, do Gran Wyoming. No seu monólogo falará das cousas boas que trouxo a pandemia, como palabras antes descoñecidas ou que non se usaban, como Pangolín, Desescalada e Distancia Social. Interactuará co público para que faga un pouco de ximnasia, ao estilo Eva Nasarre e ata pode que faga un especial de chistes galegos dos de antes.

Cristina Maró é presentadora, actriz e directora galega. Estudiou Interpretación e Realización en Audiovisuais e Espectáculos. Comezou a súa carreira como reporteira en TVE en programas como "Gente". Posteriormente converteuse en actriz en series e programas como: "La tira" (La Sexta); 'Aída' (Telecinco); "Land Rober" (Televisión de Galicia) o La Hora de Mota (TVE). Na sua faceta de directora destaca o documental "#Muévete" e "Galicia Peregrina". Actualmente compaxina o seu traballo como redactora na Sexta coa su plataforma de contidos 'Que más ver'. O seu monólogo "Algunha vez pensastes en reescribir a historia da humanidade dende outro punto de vista?" Maró repasa os fitos históricos desde un punto de vista feminista e humorístico. Desde a creación, a prehistoria, a Idade Medieval, o descubrimento de América ata a chegada á Lúa.