Uxía e Antón, os nomes galegos máis comúns

A Coruña

Uxía é o nome de orixe galega máis común na nosa comunidade autónoma. Antón, no caso dos homes. Séguenlles outros como Pedro, Antía, Catuxa ou Manuel. A Real Academia Galega presentou esta mañá unha “Guía de nomes Galegos” para que calquera usuario poida consultar máis de 1.500 nomes propios de orixe galega.

No portal web da RAG os usuarios poden atopar a historia, orixe, pronuncia e número de persoas en Galicia que contan con cada un dos nomes rexistrados na base de datos. Algúns, advirte Ana Boullón coordinadora do proxecto, mesmo traspasan as barreiras territoriais e esténdense por outras comunidades do norte como Cantabria, Asturias ou País Vasco. É o caso de Iria.

Para os académicos os que corresponden a topónimos como Ézaro ou Eume son os máis especiais para o galego e para a súa historia.

Actualmente, o rexistro civil non pon límites á hora de asignar un nome a un recentemente nado fóra de que este atiente contra a súa dignidade. A Academia tamén traballa noutras propostas como o dicionario de apelidos, un formato aínda en construción.