Concilia no verán en Ribadavia
O programa Avia Verán vai destinado á nenos e nenas de 3 a 14 anos
Cartel de Avia verán / red
Radio Ribeiro
O Concello de Ribadavia porá en marcha no verán durante os meses de xullo e agosto o programa de conciliación, educativo e lúdico “Avia Verán”. O obxectivo é facilitar a conciliación da vida familiar e laboral dos veciños e veciñas de Ribadavia durante o verán cando o curso escolar remata.
O programa pretende axudar que os pais e nais poidan conciliar a súa vida laboral coincidindo co final das aulas, ao mesmo tempo que se programan actividades lúdicas e educativas para os nenos e nenas.
O Prazo de inscrición estará aberto ata o vindeiro día 21 de xuño. O programa Avia Verán vai destinado á nenos e nenas de 3 a 14 anos. As prazas iniciais son 75 para o mes de xullo e de 55 para o mes de agosto.
O horario será de luns a venres en horario de mañá. Este ano mantense o horario de 9 horas a 14 horas, que fora ampliado o ano pasado, e así mesmo mantéñense os mesmos prezos públicos.
As solicitudes presentaranse coma sempre no Departamento de Servizos Sociais do Concello de Ribadavia.
Máis información aquí: http://ribadavia.gal/o-concello-de-ribadavia-organiza.../
