A RFGF entrega tres toneladas e media de alimentos
A RFGF entrega as tres toneladas e media de alimentos recadadas durante as dúas xornadas do Boxing Day Solidario
:quality(70)/cloudfront-eu-central-1.images.arcpublishing.com/prisaradio/3YAOODFWHVNGPO42GZPZV3YYTI.jpg)
A RFGF entrega as tres toneladas e media de alimentos recadadas durante as dúas xornadas do Boxing Day Solidario / RFGF
Ourense
A Real Federación Galega de Fútbol e Gadis fixeron entrega á Federación Galega de Banco de Alimentos os 3.500 quilos recadados durante as dúas xornadas do Boxing Day Solidario que tiveron lugar os días 28 e 30 de decembro a través das canles de comunicación da RFGF.
Máis de 1.500 persoas seguiron as dúas xornadas nas que participaron Jonatan Giráldez, técnico galego do FC Barcelona Femenino; Vicente Moreno, adestrador do RCD Espanyol de Barcelona; Roberto Martínez, seleccionador de Bélxica; Diego Ríos, adestrador galego do Levante UD de fútbol sala; e Antonio Vadillo, técnico do Palma Futsal.
Entrega na sede da RFGF en Santiago de Compostela.
O acto de entrega tivo lugar este luns na sede da RFGF en Santiago de Compostela. No mesmo estiveron presentes os vicepresidentes da RGFG, Javier García e Fernando Iglesias, o presidente do Comité Galego de Adestradores e director da Escola, Iván Cancela, o delegado federativo Javier Reyes, a integrante do departamento de rsc do grupo Gadisa, Lucía Santos, e o presidente do Banco de Alimentos de Galicia, José Pita.
