Club Ximansia Pavillón Ourense subcampión da Liga e campión do Open Madrid
A Madrid desprazouse tan só o equipo senior, dado que os equipos alevín e infantil están inmersos na competición nacional de ximnasia rítmica de conxuntos
Club Ximnasia Pavillón Ourense subcampeón de liga e campión do I Open Madrid / Club Ximnasia Pavillón Ourense
Ourense
Este domingo deuse por rematada a Liga Federacións 2021, que leva sendo organizada dende o a no 2018, impulsada por seis federacións autonómicas (Andalucía, Cataluña, Comunidad de Valencia, Galicia, Madrid e País Vasco).
O obxectivo da Ximnasia Estética é a execución dos exercicios en grupo (entre seis e catorce ximnastas), sobre un tapiz de ximansia rítmica incluíndo elementos específicos (ondas, swuings, contraccións, saltos, equilibrios, elevacións, etc). Permite moita liberdade á hora de coreografiar os exercicios e favorece o traballo de técnica corporal dado que non hai aparato e por tanto é o corpo o elementos fundamental.
No ano 2020, en Ourense foi a I Fase,onde participaron tres equipos ourensáns(alevín e senior do Club Ximnasia Pavillón e infantil da Escola Pavillón) converténdose os tres en Campións desta fase.
Esta II Fase, tivo lugar en Armilla-Granada, fase na que non participaron ningún dos equipos pavillonistas.
Esta III Fase, que coincidiu co I Open de Madrid, tivo lugar en San Lorenzo de El Escorial-Madrid e contou coa participación de varios clubs de catro federacións autonómicas (Madrid, Andalucía, Murcia e Galicia). Alí desprazouse tan só o equipo senior, dado que os equipos alevín e infantil están inmersos na competición nacional de ximnasia rítmica de conxuntos. O equipo senior acadou o ouro no Open e foi segundo na clasificación final da liga federacións, mesmo posto que ocupou a Federcaión Galega na puntuación por autonómias.
O equipo está xa preparando con moita ilusión a seguinte edición con novo exercicio.
