O resultado das analíticas da auga de Muxía descartan contaminación por xurro
O concello mantén a recomendación de non consumir auga da traída como medida preventiva
Muxía
Os resultados das analíticas encargadas polo goberno local foron normais e non indican contaminación por puríns. Continúan analizándose as mostras recollidas no abastecemento municipal para descartar a presenza doutro tipo de contaminación que puidese causar eses síntomas.
Síntomas similares aos da gastroenterite que padecen xa máis de cincuenta persoas, o número de afectados aumentou de forma considerable dende a tarde do mércores.
Logo dos resultados destes análises gaña peso a outra posible causa, Un virus cunha forte carga viral que facilitase o contaxio con tanta rapidez.
Dende o concello manteñen a recomendación de non consumir auga da billa como medida preventiva ata ter descartado completamente que o abastecemento municipal non é o causante do gromo.
