O concelleiro de Medio Ambiente viaxa a Valladolid para buscar solucións aos "incumprimentos de Urbaser"

Vigo

O concelleiro de Medio Ambiente de Redondela, Roberto Villar, viaxa mañá á sede de Urbaser de Valladolid para buscar solucións aos incumprimentos da concesionaria do servizo de recollida de lixo neste concello.

Villar entrevistarase co xefe de zona da compañía, Óscar Sanzo, logo de ser aprobado en pleno o pasado mes de marzo a apertura dun expediente contra a empresa. Entre outras, as deficiencias detectadas pola concellaría de Medio Ambiente refírense á recollida de voluminosos, horarios de retirada do lixo, rotulación non adecuada dos contenedores ou non cumprimento dos ratios de recollida nas parroquias cando hai un festivo.