Reclaman unha ambulancia de reforzo para o 061 do Morrazo

Vigo

A FGAMT e a Unión Local da CIG no Morrazo reclaman a dotación dunha nova ambulancia para reforzar o 061 na comarca, con base en Cangas, e así llo trasladaron ás direccións de Atención Primaria de Vigo e do 061. Trátase dunha demanda histórica do persoal técnico de emerxencias sanitarias -no que a CIG ten maioría- que tamén lle foi remitida pola central sindical ao consello local de sanidade de Cangas, que referendou o texto, polo que a Alcaldía enviaralle a solicitude ao 061.

Dende a FGAMT-CIG do Morrazo sinalan que esta petición está “sobradamente xustificada” por múltiples motivos como o aumento da pobación en verán.