As seleccións de España, Croacia e Exipto xogarán en Ourense o 28 e 29 de xuño

Ourense

O torneo ´´ Ourense Provincia Termal´´, que se disputará no ´´Pazo dos  Deportes  Paco Paz´´, ´´ situará a Ourense como escenario do mellor balonmán mundial, co que iso significa para crear afección, promover o deporte e promocionar a nosa provincia´´, afirma Manuel Baltar.

O presidente da Deputación de Ourense reuniuse hoxe no Pazo Provincial co presidente da Federación Galega da Balonmán, Bruno López, para analizar os detalles organizativos do torneo.

O presidente da Deputación de Ourense, Manuel Baltar, reuniuse no Pazo Provincia co presidente da Federación Galega de Balonmán, Bruno López, e co asesor de Deportes do goberno provincia, Bernardino González, para analizar os detalles organizativos do torneo ´´ Ourense Provincia Termal´´ de balonmán, que disputarán na capital ourensá as seleccións absolutas de España e Exipto o vindeiro 29 de xuño no Pazo dos Deportes ´´ Paco Paz´´ . Na xornada previa ao torneo, tamén haberá balonmán do máis alto nivel en Ourense coa disputa do partido entre as seleccións de Croacia e Exipto.

Os ´´ Hispanos´´ comezan así a súa  preparación para os xogos olímpicos de Tokyo, cunha concentración en Galicia, na que se celebrarán varios partidos, sendo Ourense unha das sedes. Veñen de lograr o bronce no Mundial de Exipto e contan no equipo cun xogador galego, Rodrigo Corrales.