Atopados con vida os tripulantes que Salvamento buscaba en Carnota

Os servizos de rescate atoparon con vida aos tres navegantes que buscaba na costa carnotá. Salvamento Marítimo dou por concluido o operativo de busca unha vez localizada a embarcación na que sairan ao mar na tardiña de onte. Unha embarcación de Aduanas escoltaba á lancha ata terra.

Salvamento Marítimo despregou un operativo de busca na tarde do sábado logo de recibir un aviso dos familiares dun dos navegantes desaparecidos. A embarcación, unha planeadora de sete metros, saira no serán do venres a mar aberto. A nave procedía da Pobra do Caramiñal e levaba a bordo a tres persoas. Recibida a alerta, Salvamento Marítimo mobilizou ao Helimer, a Salvamar Regulus e un avión de Sasemar, xunto con persoal de terra. As primeiras investigacións apuntaban a que os desaparecidos terían saído ao mar sen teléfonos móbiles.