París, a Cidade dos 15 minutos

Vigo

No Hoy por Hoy Vigo achegámonos ao proxecto da Deputación de Pontevedra da Facultade Ágora. Nese foro de debate sobre espazos públicos, mobilidade alternativa e sostible e sobre as cidades máis cómodas e habitables, participaron importantes ponentes para explicar diferentes proxectos. É o caso de Carlos Moreno. Da súa man coñecimos en profundidade a revolución e o cambio drástico de París coa aposta de “Cidade dos 15 minutos”. Carlos Moreno é o principal asesor de Anne Hidalgo en temas de mobilidade; tamén dende a súa cátedra na Sorbona ven de explicar o modelo Cidade a 30 minutos que se podería implementar nas cidades e vilas da provincia de Pontevedra.

Moi interesantes as reflexións de Carlos Moreno sobre a importancia de gañar espazos públicos para a convivencia e a vida. París aplicou a súa teoría de ter en menos de 15 minutos a pé ou en bicicleta as cousas que Moreno califica de esenciáis: abastecemento, traballo, fogar, ocio e educación, cultura e saúde. É moi interesante escoitar o principal asesor da alcaldesa de París en asuntos de mobilidade para entender como se poden dotar de contidos os barrios; como se pode recuperar a vida de barrio. Reflexiona o asesor de Anne Hidalgo que hai indicadores do benestar dos cidadáns que son chave: as veces que durante o día estás nun espazo público. Cantas máis veces, más integrado estás no teu barrio, máis a gusto estás e máis tempo queres pasar nel. Sostén Moreno que ao principio cando plantexaron o proxecto da Cidade dos 15 minutos, parecía que era imposible de implementar. Agora é una realidade consolidada en París e copiada en moitísimas cidades do mundo.