O Porriño amosa o seu pesar polo pasamento de Álvaro Cunqueiro, que fora xefe da Policía Local
A igrexa de Santa María do Viso acolleu este venres o seu funeral
Imagen histórica de Cunqueiro en un acto oficial. / Concello de O Porriño
Vigo
A alcaldesa do Porriño, Eva Garcia; a concelleira de Seguridade, Lourdes Moure, e o Inspector Xefe da Policía Local, Daniel Rodríguez, acudiron este venres pola mañá ao Tanatorio de Redondela a dar testemuña da condolencia do Concello pola perda de Álvaro Cunqueiro, que fora xefe da Policía Local da vila e que faleceu este xoves aos 78 anos. O funeral celebrouse ás 18.00 horas na igrexa de Santa María do Viso.
Cunqueiro chegou a Porriño procedente de Vigo e estivo en activo 25 anos, período no que fora xefe da Policía Local ata a súa xubilación en 2008.
Na imaxe que ilustra estas liñas, sen dúbida histórica, aparece xunto co anterior alcalde, Xosé Manuel Barros, o anterior presidente da Xunta, Gerardo Fernández Albor; o viceprresidente, Xosé Luis Barreiro Rivas e co daquela gobernador civil da provincia, Virginio Fuentes.
