Cando acudir a un funeral esixe levar papeis

Lugo

O peche perimetral imposto na capital e noutros concellos da provincia non afecta á celebración de actos fúnebres, aínda que si esixe aos familiares xustificar ante un eventual control de estradas o grao de parentesco e a celebración do acto. As restricións de mobilidade e aforo contribúen a facer máis difícil o dó, algo do que son moi conscientes os traballadores do sector que redobraron esforzos e convertéronse nestas datas nun apoio vital para as familias, segundo nos conta hoxe Jorge Balado, xerente do tanatorio de As Gándaras.

As restricións de movemento provocadas pola pandemia marcaron tamén a celebración este ano do Día de Defuntos. En moitas florarías, crisantemos, rosas e liliums amontoábanse tras ser reservados por familias que, coas restricións de mobilidade impostas non puideron finalmente acudir á súa cita prevista nos cemiterios. Foi entón cando algunhas destas florarías encargáronse de improvisar un novo servizo: o envío de flores directamente aos cemiterios, axudando así a manter a tradición e o vínculo das familias cos seus seres queridos no Día de Defuntos.