O alcalde de Ponteceso ve posible seguir gobernando logo da ruptura do grupo socialista

O alcalde de Ponteceso amósase convencido de poder seguir gobernando con normalidade.

Lois García Carballido renunciou ao seu soldo na tarde do martes e incorporarase ao seu traballo como profesor de instituto, todo despois de que no último pleno saíse adiante unha moción de APIN para rebaixarlle o soldo, a moción foi aprobada cos votos a favor de 5 dos 8 concelleiros do propio grupo do alcalde. Un feito que reflexa a ruptura existente entre os socialistas de Ponteceso e que xa se fixera patente hai unas semanas cando Carballido retirara as funcións ao concelleiro Faustino e logo se viu obrigado a devolverllas pola presión dos propios compañeiros.

Aínda así, tendo só a 2 concelleiros do seu lado Carballido amósase convencido de que a gobernabilidade non corre perigo.