A praia de Carnota loce no novo vídeo de Xabier Díaz
O artista estará hoxe no Vivindo a Costa da Morte
A praia de Carnota é o marco no que Xabier Díaz ambienta o seu novo traballo. "Illas de sal" é o novo single de Xabier Díaz e as Adufeiras de Salitre, un dos temas incluidos no seu traballo "As catedrais silenciadas".
O vídeo, gravado na praia carnotá, deixa patente toda a beleza dun dos mellores areais da nosa bisbarra. Xabier Díaz, un artista moi ligado á Costa da Morte, será hoxe protagonista do "Vivindo a Costa da Morte", o magazine de Radio Nordés que lidera as mañáns de radio da bisbarra.
"As catedrais silenciadas" é o terceiro disco de Xabier Díaz e as Adufeiras de Salitre, tras "The tambourine man" e "Noró". A súa carreira artística é moi extensa, xa que antes desta aventura en solitario, Xabier Díaz formou parte de Rumabeira, Nova Galega de Danza ou Berrogüetto.
