Sandra Insua: "As peticións de axuda alimentaria aumentaron un 200%"

Sandra Insua pasou hoxe polos micrófonos de Radio Nordés. A alcaldesa foi a encargada de poñer o punto e final á rolda de entrevistas cos alcaldes e alcaldesas da Costa da Morte. A rexedora de Camariñas repasou a actualidade do seu concello na emisora da Cadena SER.

Logo de comentar algunha das actuacións que dende o concello veñen realizando na loita contra o coronavirus, Insua valorou positivamente a evolución que segue a enfermidade en Camariñas, con un só hospitalizado e sen presenza de positivos no territorio municipal. Non puido ser tan optimista respecto ao futuro económico da vila, ao igual que no resto dos da contorna. "Non o vexo moi ben (a Camariñas). Entre a hostalería, a pesca... Se isto pasa en outubro terías gardadao da risa para as choras, pero pasa cando xa levas seis meses de duro inverno e agora sigue sendo duro. Os comerciantes xa tiñan a roupa comprada xae se non hai festas, non hai ventas".

A crise provocou un aumento nas peticións de axuda alimentaria ao Concello. "Debeu aumentar un 200% polo menos. Hai xente que contaba con traballar, por exemplo, de camareiros en abril e sen embargo agora non teñen ningún ingreso". Alabou o papel de Cerdeimar, unha conserveira que acaba de sacar unha oferta de emprego de 25 traballadores.

Na busca de solucións a esa crise, a alcaldesa apúntase a unha fronte común costeira e agarda que poder afrontar axiña a primeira reunión, "en Cee ou Vimianzo, que teñen boas casas da cultura".