A morte dunha fisterrá eleva a dez as vítimas do coronavirus
Nesta fin de semana rexistráronse tres falecementos na comarca

A última falecida residía na residencia de maiores fisterrá / Cedida

Coa morte nesta pasada madrugada dunha veciña de Fisterra xa son dez as mortes producidas polo COVD-19. Nesta fin de semana rexistráronse tres falecementos de doentes ingresados tanto no CHUAC, dous deles, coma no Hospital Comarcal.
A última delas é unha veciña de Fisterra, nonaxenaria, que chegara ao centro hospitalario de Cee nun delicado estado de saúde logo de abandoar a residencia de maiores fisterrá. Ao seu pasamento hai que engadir tamén as mortes dun varón de 72 anos de Cabana e a dunha muller, nonaxenaria, natural de Corme. Deste xeito a Costa da Morte suma dez falecidos dende que se iniciou a pandemia do coronavirus a nivel mundial.
Esas tres mortes son a cara negativa duns rexistros que, a nivel comarcal, siguen falando dunha incidencia "razoable" na nosa bisbarra. O Hospital Comarcal segue a estar lonxe da saturación. Logo de chegar a ter más de dez pacientes ingresados, na fin de semana rebaixou esa cifra a cinco. Hoxe luns son catro os doentes que ocupan cama no Virxe da Xunqueira, a cifra máis baixa dende o 20 de marzo. Ademais, durante os últimos días non houbo que realizar ningún traslado á UCI do CHUAC, viaxes precisas para tratar a aqueles pacientes en situación máis delicada. Son xa sete os días nos que non se necesitou evacuar a ningún afectado.