De ruta por Boborás ...
Celébrase a II edición dos “roteiros culturais”
Presentación de la II edición de Os “roteiros culturais” de Boborás / Prensa Diputación
Ourense
Prehistoria, medievo e historia contemporánea, protagonizan a II edición dos “roteiros culturais” de Boborás. A Deputación de Ourense apoia esta iniciativa didáctica e de lecer que se desenvolve ata novembro. Trátanse de 10 rutas por 14 parroquias do municipio percorrendo os vestixios prehistóricos, a pegada romana, a flora e a fauna, os castros a época medieval e as antigas fábricas de papel, cera e serradoiros, son algunhas das propostas organizadas nesta edición, explica Patricia Torres, concelleira de Cultura e Turismo de Boborás.
O arqueólogo Jorge Lamas fala dunha iniciativa didáctica e que ten como obxectivo “pór en valor para veciños e visitantes o gran legado histórico e as calidades paisaxísticas do municipio.
As datas dos seguintes roteiros son: en xullo, días 8 e 29, Feás e Cardelle, respectivamente; o 4 de agosto en Moldes; en setembro, os días 2 e 23, Pazos de Arenteiro-Albarellos e O Regueiro-Feás; 0 14 de outubro, a ruta Laxas-Pazos de Arenteiro; e en novembro, os días 4 e 18, a ruta de Moreiras-Xendive e a de Cameixa, respectivamente.
Para participar non é necesario realizar ningunha inscrición, abonda con presentarse á hora de comezo da ruta no punto de encontro, recomendándoselle ás persoas que participen levar calzado cómodo, así como auga e froita ou froitos secos para o percorrido.
