Campionato galego de inverno K-2 e C-2
Este evento deportivo terá lugar este sábado día 14 de abril no embalse de Velle, en Barra de Miño, Concello de Coles
Campionato Galego de Piragüismo de Inverno para K-2 e C-2, en Barra de Miño, concello de Coles, este sábado 14 de abril. Máis de 400 palistas, participarán neste gran evento deportivo / José manuel Fdez-Club Fluvial Allariz
Ourense
O municipio de Coles acollerá, por segundo ano consecutivo, o Campionato Galego de Piragüismo para barcos de equipo (K-2 e C-2), este sábado día 14 de abril, ás 10:00 horas, no embalse de Velle, en Barra de Miño.
O presidente da Federación Galega de Piragüismo dixo que este campionato ¨é unha competición de alto nivel, o que se traduce nun gran evento deportivo. O que intentamos é que este deporte náutico se abra en Ourense, que conta cuns pantanos e uns ríos que son prefectamente navegables e inmellorables´.
O presidente do Club Piragüismo Allariz, José Manuel Fernández, salientou que celebrar este Campionato en Coles supón que mási de 2.000 persoas visiten este Concello Ourensán esta fin de semana, ¨un gran motivo para atraer visitantes e facer provincia¨.
