Cara e Cruz para o Auriense

Ourense

Finalizados os encontros de liga contra Irmandinhos de A Estrada, aprazados polo temporal de hai dúas semanas. No cadro masculino, derrota por 34-16, nun encontro moi disputado e que se rompeu mediado o segundo tempo. Os ourensáns competiron contra o líder da categoría e mostraron a liña ascendente de xogo desta tempada.

Respecto ao equipo feminino, victoria por un axustado 46-48. Un partido con moitísimas alternativas que, finalmente, caeu para o conxunto do Auriense nos derradeiros compases do encontro.

A fin de semana que vén, último encontro da primeira fase contra os equipos de Keltoi de Vigo, no Campus Universitario.