Ourense en Común analizará nunha asemblea a situación do COB
Ourense en Común convoca a toda a veciñanza a unha asemblea aberta nas Burgas o mércores día 1 de xuño
As Burgas, donde se celebrará a asemblea aberta para a veciñanza sobre a situación do COB / De Rachel
Ourense
Perante a solicitude do Club Ourense Baloncesto S.A.D. para que o Concello de Ourense garanta o seu ascenso á máxima categoría desde deporte na pr´óxima tempada 2016/2017, Ourense en Común convoca a toda a veciñanza a unha Asemblea Aberta nas Burgas ás 19.30 horas do próximo mércores día 1 de xuño.
Transparencia: Ourense en Común somete a súa actuación política ao principio de transparencia, polo que presentaremos una análise detallada de toda a documentación no noso poder sobre o clube, para que as persoas participantes podan formular o seu voto con coñecemento.
Participación: Dende Ourense en Común defendemos con firmeza que proxectos que supoñen inversións elevadas deberían ser consultadas sempre coa cidadanía. O noso obxetivo final é acadar uns orzamentos participativos, namentes asembleas deste tipo permitirán que calquera veciña poda opinar en igualdade de condicións sobre o destino dos seus cartos.
Deste encontro sairá a nosa posición de voto para o pleno ordinario do venres 3 de xuño, onde se decidirá se a administración local realiza unha modificación orzamentaria mediante a fórmula de subvención nominativa para o Clube Ourense Baloncesto.
