Hoy por Hoy Lugo Informativo Matinal (8:20-31/01/2020)

Pilar de Lara xa non exerce como xuíza en Lugo. O Consello Xeral do Poder Xudicial decidiu sancionar á xuíza por dilacións indebidas nas macrocausas das que se ocupaba, con sete meses e un día de suspensión de emprego e soldo, o que comporta a perda de destino. Por iso, De Lara xa foi cesada do xulgado número 1 de Lugo, no que levaba traballando desde o ano 2007. Pola súa banda, o Colexio de Avogados de Lugo continúa coas súas reclamacións para que a capital lucense conte cun novo xulgado do social, debido ao colapso que sofren os tres que operan na actualidade. En clave política, recollemos a nova modificación da ordenanza de circulación do Concello de Lugo, pola cal se mellorarán os pasos de peóns da cidade.