Os sindicatos acordan movilizacións e máis días de folga en todo o sector de conservas de peixe

Vigo

A Federación de Industria, Construción e Agro de UGT, CCOO de Industria, e CIG-FGAMT, reuníronse co obxectivo de ir avanzando e concretando as medidas de presión necesarias que fagan posible que a Patronal reflexione e se alcance un acordo satisfactorio para as persoas traballadoras do sector de conservas de peixe.

Neste senso, CCOO de Industria, a Federación de Industria, Construción e Agro de UGT e CIG-FGAMT, consensuaron realizar unha gran manifestación en Boiro o próximo día 19 de febreiro ás 12.00 horas.

Por outra parte, CIG-FGAMT, a Federación de Industria, Construción e Agro de UGT e CCOO acordamos convocar tres días máis de folga, sendo estes os días 14, 16 e 18 de marzo.

Así mesmo, entre a manifestación do 19 de febreiro e o comezo dos días de folga que arrancarán o 14 de marzo, poremos en marcha outras medidas de presión entre as que destacamos a realización de concentracións nas portas dos supermercados.